31 сакавіка студэнты філалагічнага факультэта прынялі ўдзел у мерапрыемстве "Жанчыны-творцы на старонках часопіса “Роднае слова”", прысвечанае Году беларускай жанчыны ў Дзяржаўным музеі гісторыі беларускай літаратуры.

Галоўны рэдактар навуковага і метадычнага часопіса “Роднае слова” Наталля Мікалаеўна Шапран прэзентавала публікацыі на старонках часопіса пра вядомых беларускіх жанчын-навукоўцаў, публіцыстаў, пісьменнікаў і мастакоў. Перад аўдыторыяй выступілі са сваімі творамі вядомыя паэткі Людка Сільнова і Ірына Багдановіч. На вечарыне гучала музыка ў выкананні ансамбля флейтыстаў “Флюід” Дзяржаўнага музычнага каледжа імя М.І. Глінкі пад кіраўніцтвам А.А. Рэнанскай.