На філалагічным факультэце адбылося мерапрыемства, прымеркаванае да 79-годдзя з дня перамогі ў Вялікай айчыннай вайне.

Мерапрыемства было прысвечана вядомаму беларускаму мовазнаўцу Фёдару Міхайлавічу Янкоўскаму, які ў гады вайны ўзначальваў баявую і агентурную разведку партызанскага атрада “Грозны”. Гэты атрад ўваходзіў у брыгаду “Штурмавая” і дзейнічаў на тэрыторыі Мінскага, Радашковіцкага, Маладзечанскага і Заслаўскага раёнаў.

Загадчык кафедры мовазнаўства і лінгвадыдактыкі Дзмітрый Васільевіч Дзятко расказаў студэнтам-першакурснікам пра жыццёвы шлях Ф. М. Янкоўскага і яго навуковыя працы.

Госцем імпрэзы стаў член сям’і Ф. М. Янкоўскага падпалкоўнік Канстанцін Канстанцінавіч Шыманец, які падзяліўся ўспамінамі пра асобу вядомага вучонага, асаблівую ўвагу засяродзіўшы на партызанскім этапе яго жыцця.

Супрацоўнікамі бібліятэкі БДПУ была арганізавана выстава навуковых і вучэбных работ Ф. М. Янкоўскага, пазнаёміцца з якімі змаглі ўсе ахвотныя.