21 красавіка на філалагічным факультэце праведзены круглы стол “Спадчына Я. Карскага”, у якім удзельнічалі беларускія, туркменскія студэнты, аспірантка з КНР, дэкан філалагічнага факультэта прафесар В.Д. Старычонак, намеснік дэкана па вучэбнай рабоце дацэнт Л.А. Бяссонава, намеснік дэкана па выхаваўчай рабоце С.А. Сычова, прафесар І.П. Кудраватых, загадчык кафедры беларускага мовазнаўства дацэнт Д.В. Дзятко, дацэнты кафедры беларускага мовазнаўства Н.У. Чайка, Н.П. Лобань, дырэктар бібліятэкі Н.П. Сяткоўская, супрацоўнік бібліятэкі, кандыдат філалагічных навук  Г.В. Кажамякін.

 Беларускія і туркменскія студэнты падрыхтавалі цікавую літаратурную частку, дзе прачыталі любімыя вершы беларускіх паэтаў – Якуба Коласа, Янкі Купалы, Максіма Танка, Максіма Багдановіча і інш. З прывітальным словам да ўдзельнікаў круглага стала выступіў  дэкан факультэта прафесар В.Д. Старычонак. Дырэктар бібліятэкі і супрцоўнікі прачыталі даклад на тэму “Выданні Я. Карскага”. Студэнты падрыхтавалі цікавыя і змястоўныя даклады па навуковай праблематыцы канферэнцыі: Сімановіч Вікторыя “Беларусы” Я. Карскага: структура выдання і праблематыка”, Мялешка Яўген “Літаратуразнаўчая дзейнасць Я. Карскага”, Араева Махым “Я. Карскі – слвіст”, Сагатаў Мірдан “Я. Карскі і Брэстчына”, Шоу Цзяжуй  “Працы Я. Карскага ў галіне сінтаксісу” і інш.