13 і 17 лютага 2026 года на факультэце прыродазнаўства (1 курс, спецыяльнасць “Біялогія і хімія”) прайшла інтэрактыўная віктарына “Не маўчы па-беларуску”, прысвечаная Міжнароднаму дню роднай мовы, які штогод адзначаецца 21 лютага з 2000 года ва ўсім свеце. Віктарыну арганізавала і правяла дацэнт кафедры мовазнаўства і лінгвадыдактыкі БДПУ Наталля Пятроўна Лобань.

Віктарына ўключала пяць тураў: 1 тур – “Адгадай слова”, 2 тур – “Перакладаем на беларускую мову”, 3 тур – “Выберы правільны адказ”, 4 тур – “Прыказкі і прымаўкі па-беларуску. А як па-руску?”, 5 тур – “Працягні фразу з верша. Назаві твор і яго аўтара”. Студэнты факультэта прыродазнаўства з задавальненнем адказвалі па-беларуску, паказаўшы высокі ўзровень валодання мовай, яе скарбамі. Студэнты таксама даведаліся, чаму Міжнародны дзень роднай мовы ва ўсім свеце адзначаецца менавіта 21 лютага.