10 лістапада студэнты 21-й групы філалагічнага факультэта наведалі Дом Масквы, дзе пачала работу VІ-я Міжнародная канферэнцыя “Захаванне, падтрымка і прасоўванне рускай культуры і мовы за мяжой”.

Арганізаваная Дэпартаментам знешнеэканамічных і міжнародных сувязей горада Масквы і Маскоўскім цэнтрам міжнароднага супрацоўніцтва, канферэнцыя з’яднала філолагаў-русістаў і носьбітаў рускай культуры з розных краін свету. На пленарным пасяджэнні выступілі дакладчыкі з Расіі, Беларусі, Балгарыі, Італіі. Студэнты даведаліся, якія навуковыя праблемы хвалююць калег-гуманітарыяў, даследчыкаў рускай мовы і літаратуры, прыхільнікаў і аматараў рускай культурнай традыцыі.