Гуканне вясны – народнае беларускае свята. Згодна з ім лічылася, што калі добра паклікаць вясну, адзначыць яе прыход карагодамі, тады і цяплець пачне хутчэй. Студэнты філалагічнага факультэта захавалі народную традыцыю: 21 сакавіка гукалі вясну, вадзілі карагоды, спявалі вяснянкі і, канешне, не абышліся без смачных цесцяных птушак. Кожны жадаючы мог палакаміцца птушкамі-булачкамі,вырабленымi самімі дзяўчатамі ды папіць гарбату ад БРСМ, нават дэкан і выкладчыкі не змаглі прайсці міма. Пасля акцыі ўсе студэнты засталіся з добрым настроем і ўсмешкамі, а гэта таксама спрыяе хуткаму надыходу вясны. Будзем спадзявацца, што сапраўднае вясна хутка прыляціць да нас...