21 лютага ва ўсім свеце адзначаецца Міжнародны дзень роднай мовы.

Родная мова – гэта неад’емная частка жыцця кожнага чалавека. Мова з’яўляецца найважнейшым сродкам зносін у грамадстве.

Для беларусаў родная мова – беларуская. Менавіта праз яе адбываецца перадача з пакалення ў пакаленне традыцый, звычаяў, духоўных каштоўнасцей беларускагага народа, назапашванне і захаванне інфармацыі пра гісторыю краіны і культурныя набыткі беларусаў.

Таму невыпадкова, што 21 лютага 2025 года ў Міжнародны дзень роднай мовы на факультэце сацыяльна-педагагічных тэхналогій студэнты першага курса (групы 230124, 230224, 230324) напісалі дыктант на беларускай мове, падрыхтаваны паводле публіцыстычных тэкстаў-успамінаў Івана Мележа і прысвечаны роднай мове і першай настаўніцы пісьменніка. Тэкст прадыктавала кандыдат філалагічных навук, дацэнт кафедры мовазнаўства і лінгвадыдактыкі Урбан Вольга Валянцінаўна. Студэнты нефілалагічных спецыяльнасцей ФСПТ атрымалі магчымасць далучыцца да святкавання Міжнароднага дня роднай мовы, праверыць свае здольнасці ў напісанні дыктанта, узнавіць арфаграфічныя і пунктуацыйныя правілы беларускай мовы, даведацца пра жыццё вядомага беларускага пісьменніка.