На факультэце беларускай і рускай філалогіі 18 верасня адбылася сустрэча студэнтаў 1-га і 3-га курсаў з маладой паэткай, рэдактарам аддзела паэзіі літаратурна-мастацкага часопіса “Маладосць” Ірынай Чарняўскай. Ірына – наша выпускніца, таму заўсёды з вялікім задавальненнем адгукаецца на запрашэнні прыйсці ў БДПУ.

Сустрэча, распачатая дэканам Васілём Дзянісавічам Старычонкам, атрымалася вельмі змястоўнай і цікавай. Студэнты пачулі выдатныя вершы ў выкананні аўтара, даведаліся пра кур’ёзныя выпадкі з рэдактарскай практыкі, атрымалі своеасаблівы майстар-клас па асновах паэтычнага майстрства. Госця ж змагла ўбачыцца і паразмаўляць з былымі выкладчыкамі, пазнаёміцца ​​з юнымі аўтарамі, творы якіх, магчыма, неўзабаве з’явяцца на старонках часопіса “Маладосць”.