Літаратурна-мастацкі часопіс “Маладосць” рыхтуе выпуск, прысвечаны Слонімшчыне. У студэнтаў філалагічнага факультэта ёсць магчымасць апублікаваць у тэматычным нумары свае творы.

І, як заўсёды ў выпадках з тэматычнымі нумарамі, “Маладосць” звяртаецца найперш да сваіх сяброў – аўтараў і чытачоў, цяперашніх і будучых.

Хто жыве на Слонімшчыне або, вандруючы па гэтай зямлі, быў моцна ўражаны нейкім яе аб’ектам, нейкай падзеяй, якая тут адбылася, нейкай асобай, якая з гэтым рэгіёнам звязана, нейкай тутэйшай з’явай (культурнай, прыроднай, сацыяльнай, эканамічнай, нават і гастранамічнай), хто можа напісаць пра гэта жыва, цікава, арыгінальна – так, каб нельга было адарвацца, – да тых ёсць просьба прапаноўваць свае ідэі (пажадана адразу, на адрас vdsd@tut.by) і брацца за іх рэалізацыю так, каб паспець прыслаць матэрыялы ў рэдакцыю да 13 мая. Чакаюцца тэксты разнастайных форм і жанраў.