У выдавецтве “Сегмент” выйшлі з друку манаграфія “Беларускія назвы перыядычных выданняў: структура, семантыка, дынаміка” і каталог “Беларускія назвы перыядычных выданняў” выкладчыка кафедры мовазнаўства і лінгвадыдактыкі, кандыдата філалагічных навук Вікторыі Міхайлаўны Лухверчык.

У манаграфіі ўпершыню прааналізаваны будова і лексічныя асаблівасці беларускіх назваў газет, часопісаў, бюлетэняў. Звяртаецца ўвага на фактары, якія ўплываюць на працэс змянення назваў перыядычных выданняў, вызначаны тыпы перайменаванняў і ахарактарызаваны асаблівасці назваў у розныя гістарычныя перыяды.

У каталогу сабраны звесткі пра тып перыядычнага выдання, месца выхаду, заснавальніка, перыяд існавання. Каталог забяспечаны храналагічным паказальнікам і паказальнікам населеных пунктаў.

Кнігі прызначаны спецыялістам у галіне анамастыкі, гісторыі журналістыкі, культуралогіі.