Валанцёрскі атрад “Вандроўнікі з Альбарутэніі” з задавальненнем наведвае сацыяльна-працоўныя майстэрні. Кожны раз валанцёры прыдумваюць цікавы і разнастайны матэрыял, каб не толькі пабавіць час дзяцей, але і прынесці ім карысць. Так “вандроўнікі” падрыхтавалі праграмму “Вясёлы аловак”, дзе вучылі дзяцей маляваць слана. Было цікава назіраць, як праходзіць працэс ператварэння чыстага аркуша ў шэдэўр, а таксама бачыць шчаслівыя вочы пачынаючых мастакоў. Дэвіз дня быў наступны: “Не вер нікому, хто скажа, што ты нешта не можаш”. З самага пачатку валанцёры дамовіліся, што кожны чалавек умее маляваць і не існуе ніводнага, хто б не ўмеў. Такім чынам, наша матывацыя дала добрыя вынікі: кожнае дзіця з ахвотай намалявала свайго слана і было шчаслівае.