23 сакавіка студэнты 21 групы разам з дацэнтам кафедры беларускай літаратуры і культуры Т. П. Хоміч прынялі ўдзел ва ўрачыстым адкрыцці часовай эксапазіцыі “У любові да роднай зямлі” ў Дзяржаўным літаратурна-мемарыяльным музеі Якуба Коласа. 

Экспазіцыя прысвечана 100-годдзю выдання паэмы “Сымон-музыка” і 95-годдзю выдання паэмы “Новая зямля”. У ёй прадстаўлены ўвасабленні твораў Якуба Коласа ў тэатры, музыцы, кіно.

Студэнты мелі магчымасць пазнаёміцца з экспанатамі экспазіцыі, а таксама ўбачыць першавыданні знакамітых паэм класіка. Ва ўтульнай гасцёўні Коласа прагучалі святочныя прамовы вядомых беларускіх вучоных, прафесараў І. В. Саверчанкі, А. А. Лукашанца, пранікнёнае слова малодшага сына пісьменніка Міхася Канстанцінавіча Міцкевіча і інш. Надзвычай уражлівым было выступленне Народнай артысткі Беларусі Таццяны Мархель з мастацкім выкананнем твораў Якуба Коласа.

Музей чакае новых гасцей!