25 лістапада 2022 года ў Літаратурным музеі Максіма Багдановіча была прадстаўлена музычна-паэтычная дзея “Нельга забыць, альбо Леаніды не вернуцца да зямлі…” у выкананні загадчыка музея Міхаіла Бараноўскага. Ён прапанаваў увазе прысутных уласную інтэрпрэтацыю – экспрэсіўную, шчырую, яркую – паэмы і вершаў Уладзіміра Караткевіча.

Удзельнікі СНДЛ “Літаратура: погляд маладых” Надзея Гурская, Аліса Багдановіч, Вікторыя Вярбоўская, студэнткі 3 курса Дар’я Івановіч, Рэгіна Марціновіч, Юлія Патоцкая і дацэнт Наталля Віктараўна Заяц засталіся задаволенымі пачутым і ўбачаным. Рамантычная паэзія У. Караткевіча і яе музычнае “прачытанне” М. Бараноўскім аказаліся блізкім і зразумелым філфакаўцам, выклікалі эмацыянальны рэзананс, жаданнне чытаць і перачытваць творы нацыянальнага класіка.