10 сакавіка 2023 года студэнты філалагічнага факультэта (гр. 310121, 310221) наведалі найбуйнейшую кнігарню г. Мінска «Дом кнігі “Светач”» (пр. Пераможцаў, 11), дзе адбылася прэзентацыя 23-га тома «Залатой калекцыі беларускай літаратуры», серыі кніг выдавецтва «Мастацкая літаратура». 

Укладанне, каментарыі і пасляслоўе да тома, у які ўвайшлі творы Аркадзя Куляшова і Аляксея Пысіна, зрабіла кандыдат філалагічных навук, дацэнт кафедры беларускай і замежнай літаратуры Беларускага дзяржаўнага педагагічнага ўніверсітэта iмя Максiма Танка Таццяна Пятроўна Хоміч. Пра новую кнігу, пра іншыя тамы серыі «ЗКБЛ», пра літаратуру і творчасць пагутарылі са студэнтамі ўкладальніца тома, а таксама намеснік дырэктара выдавецтва «Мастацкая літаратура», вядомы беларускі паэт, празаік Віктар Шніп.