У перыяд з 1 кастрычніка 2016 г. па 10 лютага 2017 г. праводзіцца XXIII Рэспубліканскі конкурс навуковых работ студэнтаў ВНУ.

Філалагічны факультэт БДПУ на конкурсе будуць прадстаўляць работы магістранткі Ганны Курман “Творчасць Анатоля Сыса: ідэйна-зместавы і жанрава-стылявы аспекты” (навуковы кіраўнік – кандыдат філалагічных навук, дацэнт Н.В.Заяц) і выпускніцы Яўгеніі Пархоменкі “Фарміраванне неафіцыйнай мікратапанімікі г. Мінска: лексіка-семантычны, словаўтваральны, лінгвакультуралагічны аспект” (навуковы кіраўнік – кандыдат філалагічных навук, дацэнт Н.П.Лобань).

Конкурсныя работы дзяўчат – вынік іх сур’ёзнай працы ў студэнцкіх навукова-даследчых лабараторыях факультэта. Так, Ганна Курман на працягу пяці гадоў займалася навуковай дзейнасцю ў складзе СНДЛ “Сучасны літаратурны працэс у рэцэпцыі будучых настаўнікаў” (кафедра беларускай літаратуры і культуры). Яўгенія Пархоменка – актыўная ўдзельніца СНДЛ “Сродкі выражэння экспрэсіўнасці ў мове і маўленні” (кафедра беларускага мовазнаўства). І Ганна, і Яўгенія маюць вялікія шансы на тое, каб быць уганараванымі на конкурсе. Вынікі іх працы прайшлі апрабацыю на рэспубліканскіх і міжнародных навуковых канферэнцыях, адлюстраваны ў публікацыях.

Пажадаем філфакаўцам поспеху!